Хитай уйғур ели маарип саһәсидә 'төттә ойлап иккидә тәкшүрүш' долқуни көтүрди

Хитай һөкүмити башқурушидики уйғурчә хәвәр тор бәтлиридин ашкарилинишичә, уйғур елиниң барлиқ җайлири, барлиқ саһәлиридә,һөкүмәтниң өткән пәсилдә башлиған миллий бөлгүнчиликкә қарши туруш сиясий һәрикити йәниму юқири бесим билән давам қиливатқан болуп, хитай һөкүмитиниң уйғур аптоном райониға қойған рәиси нур бәкриниң йолйоруқи билән даириләр нөвәттә болупму маарип саһәсидә, үч хил күчләрниң маарип саһәсигә сиңип киришиниң алдини елишта чиң туруп,оқутқучи, оқуғучиларни " төт җәһәттин ойлишип, икки җәһәттә өз ‏ - өзини тәкшүрүш" кә қистимақта икән.
Мухбиримиз гүлчеһрә
2008.12.30

Йәни уйғур елидики һәр саһә аммиси, миллий бөлгүнчиликкә қарши идийә шәкилләндүрдүмму ‏ - йоқ, үч хил күчләрниң бөлгүнчилик, бузғунчилиқ, террорлуқ һәрикәтлирини тонуп йәттимму ‏ - йоқ, үч хил күчләрниң сиңип киришиниң алдини елиш сәзгүрлүкүм күчлүкму ‏ - әмәсму, миллий бөлгүнчиләргә, қанунсиз диний паалийәтчиләргә ян бесиш хаһишим барму ‏ - йоқ дегән тәрәпләрдә ойлишип ипадә билдүргәндин башқа, өзиниң миллий бөлгүнчиликкә қарши туруш җәһәттә аҗиз тәрәплирини тәкшүрүп ашкарилаш, сиясий идийә җәһәттә йетәрсиз тәрәпләрни етирап қилип, қаттиқ тәкшүрүп җиддий түзитишкә мәҗбурланмақта икән.

Хитай даирилири оқутқучи, оқуғучи, ишчи, хизмәтчиләрниң миллий бөлгүнчиликкә қарши үгиништин қанчилик тәрбийә алғанлиқини, уларниң мушу хил "төттә ойлишип, иккидә тәкшүрүш" позитсийиси арқилиқ баһалайдикән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.