Xitay Uyghur éli ma'arip saheside 'tötte oylap ikkide tekshürüsh' dolquni kötürdi

Xitay hökümiti bashqurushidiki Uyghurche xewer tor betliridin ashkarilinishiche, Uyghur élining barliq jayliri, barliq saheliride,hökümetning ötken pesilde bashlighan milliy bölgünchilikke qarshi turush siyasiy herikiti yenimu yuqiri bésim bilen dawam qiliwatqan bolup, xitay hökümitining Uyghur aptonom rayonigha qoyghan re'isi nur bekrining yolyoruqi bilen da'iriler nöwette bolupmu ma'arip saheside, üch xil küchlerning ma'arip sahesige singip kirishining aldini élishta ching turup,oqutquchi, oqughuchilarni " töt jehettin oyliship, ikki jehette öz ‏ - özini tekshürüsh" ke qistimaqta iken.
Muxbirimiz gülchéhre
2008.12.30

Yeni Uyghur élidiki her sahe ammisi, milliy bölgünchilikke qarshi idiye shekillendürdümmu ‏ - yoq, üch xil küchlerning bölgünchilik, buzghunchiliq, térrorluq heriketlirini tonup yettimmu ‏ - yoq, üch xil küchlerning singip kirishining aldini élish sezgürlüküm küchlükmu ‏ - emesmu, milliy bölgünchilerge, qanunsiz diniy pa'aliyetchilerge yan bésish xahishim barmu ‏ - yoq dégen tereplerde oyliship ipade bildürgendin bashqa, özining milliy bölgünchilikke qarshi turush jehette ajiz tereplirini tekshürüp ashkarilash, siyasiy idiye jehette yétersiz tereplerni étirap qilip, qattiq tekshürüp jiddiy tüzitishke mejburlanmaqta iken.

Xitay da'iriliri oqutquchi, oqughuchi, ishchi, xizmetchilerning milliy bölgünchilikke qarshi üginishtin qanchilik terbiye alghanliqini, ularning mushu xil "tötte oyliship, ikkide tekshürüsh" pozitsiyisi arqiliq bahalaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.