Uyghur élide 2009 - yilida yéngidin 278 ming bowaq tughulghan

Shinxu'a axbaratida körsitishiche, Uyghur élining bu nöwet éniqlan'ghan omumiy nopus sani, 4 milyon 470 ming aqma nopus bilen bingtu'en nopusini oz ichige almaydiken.

Xitay hökümet da'iriliri bingtu'enning omumiy nopusini 2.7 Milyon etrapida dep élan qilip kelmekte. Xewerde körsitishiche, xitay merkiziy hökümiti we Uyghur élidiki pilanliq tughut komitéti 2009 - yili Uyghur aptonom rayonining pilanliq tughut xizmitige salghan meblegh 605 milyon yü'en'ge yetken.

Xitay hökümiti Uyghur élide xitay we yerlik pilanliq tughut organliri teripidin "alahide mukapat"linidighan chégra we namrat nahiyilerdin yene 26 ni köpeytken. "Alahide mukapat" ning qaplash nisbiti 60 pirsentke we jenubiy Uyghur élidiki 3 wilayetni öz ichige alghan, bu xil mukapat bérilgen kishiler 7 milyon 20 minggha yetküzülgen.

Xewerde ashkarilinishiche, netijide Uyghur aptonom rayonluq pilanliq tughut komitéti "11 - 5 yilliq pilan" mezgilide pilanliq tughut siyasitini ijra qilish we meblegh sélish wezipisini ikki yil burun tamamlap bolghan.

Xitay hökümiti 1980 yillardin bashlap Uyghur élide pilanliq tughut siyasitini qattiq yürgüzüp kéliwatqan bolup, xitay özi élan qilghan sanliq melumatlargha qarighanda, bu jeryanda Uyghur élide 3 milyon bowaq kem tughulghan.