Uyghur élide az sanliq millet kadirlirining nispiti 50 pirsentidin ashidighanliqi xewiri Uyghurlarda ghulghula qozghidi

Uyghur élidiki xitay axbarat torliri seyshenbe xewer élan qilip "Uyghur aptonom rayonida az sanliq millet kadirlirining sani 363 minggha yétip pütün rayondiki kadirlarning 51.25% Ini igilidi. Ixtiyariy halda din'gha ishen'güchi amma 10 milyondin ashidu, xelq qurultiyida az sanliq millet wekilliri 63% ni igileydu " dep teshwiq qildi, shundaqla buni xitay hökümitining Uyghur aptonom rayonida aptonomiye siyasitini heqiqiy ishqa ashurghanliqining ispati dep körsetti.
Muxbirimiz gülchéhre
2009.06.02

Xitay da'irilirining Uyghur élide heqiqiy aptonomiye yürgüzüwatqanliqi heqqide élan qilghan bu teshwiqati Uyghur teshkilatliri hem pa'aliyetchiliride intayin jiddiy inkas qozghighan bolup,dunya Uyghur qurultiyi bayanatchisi dilshat rishit erkin asiya radi'osi we bashqa xelq'araliq axbarat orunlirida xitayning bu bayanlirigha qarita bayanat élan qildi.

Dilshat réshit mundaq dédi : "xitay hökümiti atalmish aptonomiye bilen Uyghur xelqini aldidi, shundaqla bu arqiliq Uyghurlarning qanunluq heq ‏ - hoquqliri, insan heqliri, diniy erkinlikini depsende qilip kelmekte. Xelq'ara jem'iyetning bésimidin özini qachurush üchün xitay yene, bu aptonomiyini burmilap teshwiq qilip dawamliq türde dunyaning közini aldimaqchi. Emeliyette xitayning bu sitatistikisi ras bolghan teqdirdimu, Uyghur kadirlar hökümette heqiqiy hoquq yürgüzelmeydu, ular peqet shekilge qoyulghan, ularning siyaset belgileshke arilishish hoqoqimu yoq."

Dilshat rishit yene, "eger xitay özi éytqandek, Uyghurlarning diniy erkinlikige we bashqa heq ‏ - hoquqlirigha hörmet qiliwatqan bolsa axbarat erkinlikini yolgha qoysun, chet'el muxbirlirining Uyghur élide heqiqiy ehwal igilishige yol qoysun, undaq bolmaydiken, xitayning teshwiqatining hemmisi köz boyamchiliqtin bashqa nerse emesliki ashkarilinidu," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.