“Hoffington pochtisi” da Uyghurlarning kishilik hoquq weziyiti tonushturuldi

Amérikadiki Uyghur kishilik hoquq programmisi tetqiqatchisi “Hoffington pochtisi” gézitide maqale élan qilip, Uyghurlarning 2012 - yildiki kishilik hoquq weziyitini tonushturdi.
Muxbirimiz jüme
2013.01.12


Aliy tetqiqatchi hénriy shajefiski maqaliside “Hemme adem yéngi yil xushalliqigha chömgen peytlerde, xitay türmisidiki Uyghur yazghuchi nurmemet yasinning nöwettiki ehwali éniqsiz” ikenlikini körsetken.

U yene, xitay türmisidiki gheyret niyaz qatarliq yazghuchilarni misal qilish arqiliq xitayda Uyghurlarning soz - pikir we özini ipadilesh erkinlikining qanchilik derijide boghulghanliqini roshen körsitip bergen.

Maqalide aptor yene, chet'ellerdin qayturulghan bir qisim Uyghurlarning her xil qamaq jazalirigha buyrulghanliqi, beziliridin hetta hazighiche uchur yoqluqini bayan qilghan.

Aptor maqalide ötken bir yil jeryanida Uyghur élining her qaysi jaylirida yüz bergen milliy qarshiliq heriketlirini bir qatar sanap ötken.

Maqalide Uyghurlarning qattiq diniy chekleshke yoluquwatqanliqi we köpligen Uyghurning “Qanunsiz diniy pa'aliyetke qatnishish” dégen bahaniler bilen qamaq jazasigha uchrighanliqi yézilghan.

U axirida Uyghurlarning kishilik hoquq xatirisini yaxshilash üchün birdinbir ümidning Uyghurlar yoluquwatqan depsendichiliklerni amalning bariche xatirilep, dunya jama'etchilikige sunushta qalghanliqini qoshumche qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.