Wakaletsiz milletler teshkilati xelq'ara jem'iyetni Uyghur mesiliside xitaygha bésim ishlitishke chaqirdi

Wakaletsiz milletler teshkilati bayanat élan qilip, xelq'ara jem'iyetni xitayning yéngi yili - chaghan yétip kélish harpisida xitay Uyghurlargha qaratqan kemsitish we chetke qéqish siyasetlirini ayaghlashturush üchün xitaygha bésim ishlitishke chaqirdi.
Muxbirimiz jüme
2012.01.14

Bayanatta, “28 - Dékabir guma weqesi” de 7 Uyghurning öltürülgenliki we weqening sherqiy türkistanda élip bériwatqan “Qattiq zerbe bérish herikiti” dawam qiliwatqan mezgilge toghra kelgenliki körsitilgen.

Uningdin bashqa öz naraziliqini tinch yosunda ipadiligen Uyghurlarning “Emgek bilen özgertish lagérliri” gha yollinidighanliqi 2001 - yili 7 Uyghurning shu xildiki qismetlerge duchar bolghanliqi misallar bilen bérilgen.

Bayanatta, yuqiriqi sewebler tüpeyli nurghun Uyghurlarning ana makanlirini tashlap sirtlargha musapir bolup qéchishqa mejbur bolghanliqi, shundaq shara'itta shwétsiye hökümitining bir qisim Uyghurlarni xitaygha qayturghanliqi endishe qozghaydighanliqi bayan qilin'ghan.

Bayanatta mundaq déyilgen: xitay hökümiti “Térrorluqqa qarshi urush” ni öz xelqige tehdit sélish, ularda wehime peyda qilish we ularning qanuniy hoquqni depsende qilishqa yene ishletse bolmaydu. Xitayning bu yilqi chaghini xelq'ara jem'iyet xitay we dunyaning bashqa jayliridiki Uyghurlarni qoghdash iradisini bildüridighan we béyjinggha shuni éniq ipadileydighan peyt.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.