Tengri téghi 1‏-nomurluq muz qatlimi téz érip, 40 nechche yilda 14 % kichikligen

Xitay penler akadémiyisi élip barghan tekshürüshtin melum bolushiche, ürümchining asasliq su menbesi we Uyghur ilidiki eng chong muz qatlamliridin biri bolghan tengri téghi 1‏-nomurluq muz qatlimining érish qedimi tézliship, yéqinqi 44 yilda 14 % kichikligen.
Muxbirimiz erkin
2012.07.20

Analizchilar muz qatlimining érish qedimining tézliship kétishi, yer shari iqlim özgirishi bilen munasiwetlik bolsimu, biraq nopusning köpiyishi, sana'etlishish, muhitning bulghinishi qatarliq ademler peyda qilghan sün'iy amillarning roliningmu zorluqini ilgiri sürmekte.

Xitay hökümet axbarat wasitilirining xewer qilishiche, xitay penler akadémiyisige qarashliq tengri téghi muz qatlimini ölchesh ponkitining mes'uli li jongchin, 1-nomurluq muz qatlimini ölchesh yolgha qoyulghan 1959‏-yildin buyan, mezkur muz qatlimining izchil kichiklep mangghanliqini, 80-yillardin bashlap érish qedimi tézleshkenlikini bildürgen.

Muz qatlimi 1962‏-yildin 2006-yilghiche bolghan 44 yilda 14% kichikligen. 1962‏-Yili omumi kölimi az kem 2 kwadrat kilométir kélidighan muz qatlimi 2006-yili 1.68 Kwadrat kilométirgha, qélinliqi 15 métirgha chüshüp qalghan.

Közetküchiler, bu ürümchi shehirini kéngeytip, 2020‏-yilgha qeder nopusini 5 milyon'gha yetküzüshni pilanlighan xitay da'irilirige yéngi riqabet élip kélidighanliqi, ürümchi shehirining muhiti we ichimlik su mesilisi ilgirilep qiyinlishidighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.