Uyghur néfitlikidin xitaygha yötkelgen tebi'iy gaz 15 milyard kubmétirdin éship ketken

2008 - Yili bir yil jeryanida, gherbning gazini sherqqe yötkesh turuba liniyisi arqiliq tarim néfitlikidin xitay sheherlirige yötkelgen tebi'iy gaz 15 milyard kubmétirdin éship ketken bolup, shinxu'a axbarat agéntliqining 23 ‏ - dékabir ürümchidin bergen xewirige qarighanda, mezkur turuba liniyisi 4 yilliq toshush tarixida tunji qétim yuqiri sewiye we rékort yaratqan.
Muxbirimiz jüme
2008-12-29
Share

Xewerde körsitilishiche, tarim néfitlikidin künige 42 milyon kubmétir tebi'iy gaz toshulidighan bolup, emma bu san qish kirgendin buyan 47 milyon kubmétirgha köpeytilgen.

Mölcherlinishiche, bu yil yil axirighiche tarim néfitlikidin toshulidighan tebi'iy gazning omumi miqdari 15 milyard 800 milyon kub métirgha yetküzülüp, ötken yildikidin 2 milyard 100 milyon kubmétir köpeytilgen.

Xitay buyiche eng chong tebi'iy gazliq tarim néfitlikige jaylashqan.

Xewerde munasiwetlik organlar élan qilghan sanliq melumatlardin neqil élip körsitishiche, nöwette tarim néfitlikide aldin mölcherlen'gen tebi'iy gaz miqdari 700 milyard 200 milyon kubmétir bolup, bu xitayning sherqi rayonlirini 30 yil muqim gaz bilen teminleshke yétidiken.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.