غەربنىڭ گازىنى شەرىققە يۆتكەش قۇرۇلۇشى ئىزچىل داۋاملاشماقتا

غەربنىڭ گازىنى شەرىققە يۆتكەش تۇربو يولى قۇرۇلۇشىنىڭ، غەربتىكى ئىككىنچى لىنىيىسى ھېسابلانغان تۇرۇبا يولىنىڭ ئومۇمىي ئۇزۇنلىقى 9100 كىلومېتىر بولۇپ، قورغاس ناھىيىسىنىڭ گوزىگو يېزىسىدىن باشلىنىدىغان بۇ قۇرۇلۇش، 2011 ‏ - يىلىنىڭ ئاخىرىغىچە خىتاينىڭ گەنسۇ قاتارلىق 14 ئۆلكە، رايون ۋە شەھەرلىرىنى گاز بىلەن تەمىنلەيدىكەن.
ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ
2008-12-04
ئېلخەت
پىكىر
Share
پرىنت

خىتاي ئاخبارات ۋاسىتىلىرىنىڭ بۇ ھەقتە بەرگەن خەۋەرلىرىدىن ئاشكارىلىنىشىچە، بۇ يىل تۇرۇبا يولىنىڭ 1573 كىلومېتىرلىق بۆلىكىنى پۈتتۈرۈش پىلان قىلىنغان بولۇپ، خىتاينىڭ ھەرقايسى جايلىرىدىن تەشكىللىگەن 4600 كىشىلىك 15 قۇرۇلۇش ئەترىتى بۇ تۇرۇبا يولى قۇرۇلۇشىنىڭ غەربتىكى لىنىيىسىنى پۈتتۈرۈش ئۈچۈن جىددى ئىشقا كىرىشكەن.

چەتئەللەردىكى ئۇيغۇر سىياسىي تەشكىلاتلىرى، خىتاينىڭ " غەربنىڭ گازىنى شەرىققە يۆتكەش " قۇرۇلۇشىغا ئىزچىل تۈردە قارشىلىق بىلدۈرۈپ كەلگەن بولۇپ، ئۇلارنىڭ بىلدۈرۈشىچە، تېخى ئۇيغۇر ئېلىنىڭ مۇتلەق كۆپ قىسىم جايلىرىدا ئىشقا ئاشۇرۇلمىغان گاز تۇرۇبا لىنىيىسى قۇرۇلۇشىنىڭ، نۆۋەتتە خىتاي ئۆلكىلىرىگە تورسىمان شەكىلدە تۇتاشتۇرۇلۇشى، ئۇيغۇر ئېلىدىكى تەبىئى بايلىقلارنىڭ زېمىننىڭ ئىگىسى ھېسابلانغان ئۇيغۇرلارغا ھېچقانداق مەنپەئەت ئېلىپ كەلمەيۋاتقانلىقىنىڭ ئوچۇق ئىسپاتى ئىكەن.
پىكىرلەر (0)
Share
تولۇق بەت