Ғәрбниң газини шәриққә йөткәш қурулуши изчил давамлашмақта

Ғәрбниң газини шәриққә йөткәш турбо йоли қурулушиниң, ғәрбтики иккинчи линийиси һесабланған туруба йолиниң омумий узунлиқи 9100 километир болуп, қорғас наһийисиниң гозиго йезисидин башлинидиған бу қурулуш, 2011 ‏ - йилиниң ахириғичә хитайниң гәнсу қатарлиқ 14 өлкә, район вә шәһәрлирини газ билән тәминләйдикән.
Мухбиримиз әқидә
2008-12-04
Share

Хитай ахбарат васитилириниң бу һәқтә бәргән хәвәрлиридин ашкарилинишичә, бу йил туруба йолиниң 1573 километирлиқ бөликини пүттүрүш пилан қилинған болуп, хитайниң һәрқайси җайлиридин тәшкиллигән 4600 кишилик 15 қурулуш әтрити бу туруба йоли қурулушиниң ғәрбтики линийисини пүттүрүш үчүн җидди ишқа киришкән.

Чәтәлләрдики уйғур сиясий тәшкилатлири, хитайниң " ғәрбниң газини шәриққә йөткәш " қурулушиға изчил түрдә қаршилиқ билдүрүп кәлгән болуп, уларниң билдүрүшичә, техи уйғур елиниң мутләқ көп қисим җайлирида ишқа ашурулмиған газ туруба линийиси қурулушиниң, нөвәттә хитай өлкилиригә торсиман шәкилдә туташтурулуши, уйғур елидики тәбии байлиқларниң земинниң игиси һесабланған уйғурларға һечқандақ мәнпәәт елип кәлмәйватқанлиқиниң очуқ испати икән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт