Béyjing pasport béjirish da'iriliri: béyjingdiki Uyghurlargha pasport bérishni biz qarar qilmaymiz

Béyjing milletler uniwérsitéti oqughuchisi atikem rozining pasport iltimasining uning Uyghurluqi sewebidin ret qilinishi peyda qilghan xitay mikro blogliridiki ghulghulilar dawamliq kücheydi.
Muxbirimiz erkin
2012.12.19
Share on WhatsApp
Share on WhatsApp

“Yer shari waqti géziti” ning in'glizche béti charshenbe küni mezkur mesile heqqide maqale élan qildi. Maqalide ilgiri sürülüshiche, béyjing pasport béjirish ornining lin famililik bayanatchisi atikemge pasport bérishning ret qilinishi heqqide tepsiliy pikir bildürüshni ret qilip, biraq oxshimighan rayonlarning oxshimighan bezi telep-ölchemlirining bolidighanliqini bildürgen.

“Yer shari waqti géziti” ning maqaliside yene, shinjang ijtima'iy penler akadémiyisining yardemchi tetqiqatchisi turghunjan tursunning sözi neqil keltürülgen bolup, u junggoning pasport qanuni wetendashlirigha 15 kün ichide pasport béjirip bérishni buyrusimu, biraq xenzular bilen bashqa az sanliq milletlerge oxshimighan ölchem qoyulidighanliqini tekitligen.

Atikem rozi, béyjing milletler uniwérsitétining 3 yilliq oqughuchisi bolup, u az dégende ikki qétim pasportqa iltimas qilghan bolsimu, biraq béyjing sheherlik saqchi idarisi uning iltimasini ret qilghan. Shuning bilen u “Sina” mikro blogigha pikir yézip, milliy kemsitishke uchrighanliqini pash qilghan. Bu weqe “Sina” mikro blogida ghulghula qozghighan idi.

“Yer shari waqti géziti” ning maqaliside ilgiri sürüshiche, béyjing sheherlik pasport béjirish ornining bir ayal emeldari Uyghurlargha pasport béjirish heqqide toxtilip, “Shinjang puqraliri pasportqa iltimas qilsa, buni bizning béyjing terep qarar qilmaydu. Biz shinjang terepning saqchi orgini bilen alaqiliship, uning qanunluq yaki qanunluq emeslikini tekshürimiz we shuninggha qarap jawab bérimiz” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.