Xitay qarigha étish komandisidiki tunji Uyghur

Xitay merkiziy téléwiziyisi xitay döletlik qarigha étish komandisidiki osman isma'il isimlik bir Uyghur mahirni tonushturdi. Uyghur tor betliri osman isma'ilni xitay döletlik qarigha étish komandisidiki tunji Uyghur mahir dep élan qilghan bolup, bu yil 22 yashqa kirgen osman isma'il özining körünerlik netijiliri bilen xitay döletlik komandisigha tallinip, meshiq qildurulmaqta.
Muxbirimiz ümidwar
2009.06.21

Xitay téléwiziyisidiki tonushturushta éytilishiche, osman isma'il xitay tilini yaxshi bilmisimu, lékin tiriship, maharet östürmekte iken. Xitay merkiziy téléwiziye istansisi muxbirliri bu Uyghurning döletlik komandigha tallinishini tunji chong weqe hésablighan bolsimu, lékin ular Uyghurlarning buningdin 50 yil ilgirila qarigha étish boyiche olimpik musabiqisige qatniship, rékort yaratqanliqini tilgha almighan.

Osman isma'il bir pütün Uyghur millitining nuqtisidin alghanda, döletlik komandidiki tunji shexs emes. Emeliyette, buningdin 50 nechche yil ilgiri esli ata - aniliri ilidin köchüp kélip, qazaqistan'gha yerliship qalghan Uyghurlardin mexmut ömerof sowét ittipaqi döletlik qarigha étish komandisining ezasi süpitide, dunya we yawropa musabiqilirigha qatniship, bir qanche qétim chémpiyon bolghan.

Qazaqistanliq tarixchilarning éytishiche, sabiq sowét ittipaqi lénin'grad herbiy méditsina uniwérsitétining dotsénti bolup xizmet qilghan mexmut ömeropf, qarigha étish boyichimu sowét ittipaqi boyiche eng küchlük mahir bolup, u olimpik musabiqisida chémpiyonluq netijisi yaratqan. U waqitta, junggoluqlardin téxi qarigha étish boyiche olimpikte netije qazinalighidek adem chiqmighan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.