Uyghur élide barghanche köpiyiwatqan sergerdan balilar yene diqqet qozghidi

Xitayning Uyghur aptonom rayon da'iriliri qurushqa bashlighan sergerdan balilar merkizige orunlashturush aldidiki qorumigha yetmigen 20 ming sergerdan bala heqqidiki xewer Uyghur weziyitini közetküchilerning diqqitini qozghidi.
Muxbirimiz méhriban
2012-11-29
Élxet
Pikir
Share
Print

Sergerdan balilar mesilisi heqqide toxtalghan közetküchiler Uyghur élidiki sergerdan balilarning emeliyette buningdinmu köp bolushi mumkinlikini bildürüp, bu mesile Uyghurlarning iqtisadi, ijtima'iy ornining töwen halette turuwatqanliqining konkrét ipadilirining biri ikenlikini bildürdi.

Xitay hökümet axbaratlirida bulturdin bashlap xitay ölkiliri we ürümchi qatarliq sheherlerdiki sergerdan balilarni yighish xizmitini bashlighanliqi xewer qilin'ghan bolsimu, emma bu balilarning konkrét sani jem'iyettin yoshurup kélin'gen bolup, bügün'giche élan qilinmighan idi.

Halbuki, Uyghur élide barghanche éghirlishiwatqan sergerdan balilar mesilisi yéqinqi yillardin buyan Uyghur tor béketliride jiddiy munazire témilirining birige aylan'ghan. Xelq arisida sergerdan balilarni qutquzush teshebbusliri küchiyip, nurtay hajim, sadiq hajim qatarliq Uyghur saxawetchiliri qurghan yétimler mektepliri köpeygen bolsimu, emma Uyghur aptonom rayon da'irilirining sergerdan balilar mesilisini hel qilishta ünümlük tedbir almasliqi eyibleshke uchrighan idi.

2009-Yili ürümchide yüz bergen 5- iyul ürümchi weqesidin kéyin bolsa, sergerdan balilar mesilisini otturigha qoyghan we Uyghurlargha qaritilghan barawersiz siyasetni tenqid qilghan Uyghurbiz, diyarim qatarliq Uyghur tor béketliri buyruq bilen taqalghan idi.

Toluq bet