مەزكۇر ناھىيە " ئامانلىقنى قوغدىغۇچىلىرىنى تەربىيىلەش" خىزمىتىگە 7 مىڭ يۈەن ئاجراتقاندىن سىرت يەنە، "دۈشمەن ۋەزىيىتى "، " بىخەتەرلىك ئۇچۇرلىرىنى دوكلات قىلىش تۈزۈلمىسى"، "مەلۇمات، ئۇچۇر - ئاخباراتلارنى توپلاش ۋە يەتكۈزۈش خاتىرىسى" قاتارلىقلارنى سېستىمىلاشتۇرغان.
نۆۋەتتە خىتاي يەرلىك دائىرىلىرى ئۇيغۇر ئېلىنىڭ يېزا - قىشلاقلىرىدا يولغا قويغان "ئون ئائىلە بىرلەشمە مۇداپىئە كۆرۈش" تىن ئىبارەت "ئون بېشى" تۈزۈمىدە ھەر ئون ئائىلىگە بىردىن باشقۇرغۇچى قويۇلۇپ، ئۇلارغا مۇۋاپىق ھەق بېرىش بەلگىلەنگەن.
خەۋەردە كۆرسىتىلىشىچە، نۆۋەتتە ئاقچى ناھىيىسى تېخىمۇ قېلىپلاشتۇرۇپ يولغا قويغان “10 بېشى” تۈزۈمىدە “ئون باش” لار ھۆكۈمەت دائىرىلىرى بەلگىلىگەن ´باشقۇرۇش ئەھدىنامىسى” گە قول قويغان بولۇپ، مەزكۇر "ئون باش" لار بەلگىلەنگەن ۋاقىتتا مۇناسىۋەتلىك ھۆكۈمەت ئورگانلىرىغا ئۆزى مەسئۇل رايوننىڭ ئەھۋالىنى خەۋەر قىلىپ تۇرىدىكەن.