Uyghurlar bilen xitay hökümiti arisidiki jiddiylik ramizan mezgilide téximu ewjige chiqqan

Maqalide Uyghur musulmanlar bilen xitay hökümiti arisidiki jiddiylik körsitilip mundaq déyilgen: bu jiddiylik 19 - awghust axirlishidighan ramizan mezgilide hökümet da'irilirining kishilerning diniy étiqad pa'aliyitige arilishishi bilen téximu ewjige chiqqan idi.

Maqalide yene xitay da'irilirining hökümet kadirliri, partiye ezaliri, oqutquchi - oqughuchilarni roza tutushtin chekligenliki, buning kishining könglini tolimu ghesh qilidighanliqi otturigha qoyulghan.

Maqalide Uyghurlarning yéqinqi zaman tarixi heqqide qishqiche uchur bérilgen, Uyghurlarning 30 - we 40 - yilliri ikki qétim musteqil jumhuriyetlerni qurghan xelq ikenliki bayan qilghan.

Maqalide yene 2009 - yildiki “Ürümchi weqesi” we shundin kéyin xitay hökümiti Uyghurlargha qarita kücheytip yürgüzüshke bashlighan bésim siyasiti heqqidimu melumatlar bérilgen.

Maqalide neqil qilishiche, xitayning Uyghurlargha, jümlidin yash ösmürlerge qaratqan diniy cheklesh siyasiti heqqide toxtalghan bir Uyghur: siyaset her yili shundaq ching, emma méning balilirim musulman, biz hökümetning bu xil cheklesh siyasetlirige perwa qilmaymiz, dégen.

Xitay hökümiti bu yilliq ramizan mezgilde Uyghurlargha qaratqan diniy cheklesh siyasitini yene bir baldaq yuqiri kötürgen bolup, bu heqtiki xewerler xelq'ara metbu'atlarda bir qeder köp tarqitilghan idi.