Вакаләтсиз милләтләр тәшкилатиниң йиғини давамлашмақта

29-Ноябир күни башланған вакаләтсиз милләтләр тәшкилатиниң 11-нөвәтлик йиғини бүгүн 30-ноябир күни шветсарийиниң пайтәхти җәнвәдә давамлашмақта. 11-Айниң 29-күнидин 12-айниң 1-күнигичә давамлишидиған вакаләтсиз милләтләр тәшкилатиниң йиғинға вакаләтсиз милләтләр тәшкилатиға әза 30 милләттин 60 вәкил қатнашти.
Мухбиримиз меһрибан
2012.11.30

Йиғинниң 1-күни дуня уйғур қурултийи иҗраийә һәйити рәиси, вакаләтсиз милләтләр тәшкилатиниң һәйәт әзаси долқун әйса әпәнди уйғурларниң һазирқи вәзийити баян қилинған “шәрқий түркистанниң һазирқи вәзийити вә хитайниң уйғурларға елип бериватқан сиясити” темисида доклат оқуған. Долқун әйса әпәнди түнүгүн радиомиз мухбириниң зияритини қобул қилғинида, доклатта дуня уйғур қурултийи намидин 14 маддилиқ тәләпни оттуриға қойғанлиқини билдүргән иди.

Б д т аз санлиқ милләтләр мунбириниң бәшинчи нөвәтлик йиғиниму 27-, 28-ноябир күнлири б д т ниң җәнвәдики мәркизидә ечилған болуп, бу йиғинға дуня уйғур қурултийиға вакалитән долқун әйса, илһам мәхмут, әсқәрҗан вә майкол филлипс қатарлиқ төт кишилик һәйәт қатнашқан. Йиғинда хитай вәкилиниң қаршилиқиға қаримай йиғин риясәтчиси вә әһлиниң қоллиши билән дуня уйғур қурултийиниң явропа парламентидики программа ярдәмчиси майкол филлипс әпәнди дуня уйғур қурултийи намидин сөз қилип, уйғурлар мәсилисини аңлатқан иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.