Wakaletsiz milletler teshkilatining yighini dawamlashmaqta

29-Noyabir küni bashlan'ghan wakaletsiz milletler teshkilatining 11-nöwetlik yighini bügün 30-noyabir küni shwétsariyining paytexti jenwede dawamlashmaqta. 11-Ayning 29-künidin 12-ayning 1-künigiche dawamlishidighan wakaletsiz milletler teshkilatining yighin'gha wakaletsiz milletler teshkilatigha eza 30 millettin 60 wekil qatnashti.
Muxbirimiz méhriban
2012-11-30
Élxet
Pikir
Share
Print

Yighinning 1-küni dunya Uyghur qurultiyi ijra'iye hey'iti re'isi, wakaletsiz milletler teshkilatining hey'et ezasi dolqun eysa ependi Uyghurlarning hazirqi weziyiti bayan qilin'ghan "Sherqiy türkistanning hazirqi weziyiti we xitayning Uyghurlargha élip bériwatqan siyasiti" témisida doklat oqughan. Dolqun eysa ependi tünügün radi'omiz muxbirining ziyaritini qobul qilghinida, doklatta dunya Uyghur qurultiyi namidin 14 maddiliq telepni otturigha qoyghanliqini bildürgen idi.

B d t az sanliq milletler munbirining beshinchi nöwetlik yighinimu 27-, 28-noyabir künliri b d t ning jenwediki merkizide échilghan bolup, bu yighin'gha dunya Uyghur qurultiyigha wakaliten dolqun eysa, ilham mexmut, esqerjan we maykol fillips qatarliq töt kishilik hey'et qatnashqan. Yighinda xitay wekilining qarshiliqigha qarimay yighin riyasetchisi we ehlining qollishi bilen dunya Uyghur qurultiyining yawropa parlaméntidiki programma yardemchisi maykol fillips ependi dunya Uyghur qurultiyi namidin söz qilip, Uyghurlar mesilisini anglatqan idi.

Toluq bet