Xitay mutexessisliri wang léchu'enni aghdurush shu'arini qollimaqta

Dölet sirtidiki meshhur xitay mutexessisliridin gu bawshéng, xu ping, yang jenli, tang bochaw qatarliq kishiler tünügün, hemme millet birdek heriketlinip, wang léchu'enni aghdurushni teshebbus qildi. Bu teshebbuschilarning sépide shinjangdiki herbiylermu bar.
Muxbirimiz weli
2009-09-09
Share

Mutexessislerning bu teshebbusnamisida éytilishiche, ürümchide yüz bériwatqan weqeler, sowét ittipaqi parchilan'ghandin kéyin peyda bolghan 'renglik inqilap'larning yéngi shekli, xitay kommunist partiyisining parchilinishini ilgiri sürüwatqan 'partlatquch piltisi'. Bu herikette wang léchu'enni aghdurush xitay kommunist partiyisini parchilashning hazirqi shara'ittiki muhim bir basquchi.

Mutexessislerning qarishiche, ürümchi weqelirining mundaq bir qanche alahidiliki bar: birinchidin, ürümchi weqeliride xitay kommunist partiyisining muhim emeldarliri yéqiliwatidu, bu, gerche xelq xitayda birkimni saylap chiqalmisimu, emma kommunist partiye özi belgiliwalghan emeldarlarni yiqitalaydighanliqini ispatlidi؛ ikkinchidin, xitay kommunist partiyisi üzini saqlash qélish üchün xitay milletchilikini qozghitiwatqan hazirqi ehwalda, herbiylerningmu wang léchu'enni aghdurushqa qatnashqanliqi xitaylarning oyghinishini ilgiri sürüwatidu؛ üchinchidin, hazir xitay kommunist partiyisi hakimiyet qurghinigha 60 yil bolghanda 'yanar tagh' larning üstide qaldi, wang léchu'enning qarshiliq körsitiwatqanliqi kommunist partiyining halaketke yüzliniwatqandiki ichki ziddiyitining teswiri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet