Washin'gtonda iptarliq uyushturuldi

Iptarliq pa'aliyiti paytext washin'gton yénidiki meklin rayonidiki ammiwi pa'aliyet merkizide ötküzülgen bolup, buninggha paytext etrapidiki wérjiniya, maryland shitatlirida hemde bashqa shtatlardin shuningdek qazaqistandin kelgen méhmanlar ishtirak qildi.

 Iptarliq pa'aliyitide dunya Uyghur qurultiyining re'isi rabiye qadir xanim söz qilip, köpchilikni ramizan bilen tebriklidi hemde téximu ittipaqliship, milliy dewa pa'aliyetlirini kücheytishni telep qildi.

Méhman süpitide qazaqistandin kelgen, qazaqistan döletlik radi'o - téléwiziye komitétining qarmighidiki Uyghur bölümining sabiq bashliqi, merhum yazghuchi ziya semedining oghli riza semedi ependimu sözge teklip qilindi. U, özining amérika sepiride köpchilik bilen birge bolghanliqidin xush bolghanliqini shuningdek qazaqistandiki Uyghur jama'itining salimi we arzulirini bildürüp ötti.
 
Iptarliq pa'aliyiti kech sa'et 9 larghiche dawamlashti.