Wén jiyabaw xitay kommunistik partiyisining junggoche sotsiyalizm yolini özgertmeydighanliqini bildürdi

Xitay bash ministiri wén jyabaw, aldinqi küni gherb metbu'atlirining ziyaritini qobul qilghanda,xitayda démokratiyini ilgiri süridighanliqi toghrisida wede bergen bolsimu, emma u xitay xelq jumhuriyitining qurulghanliqining 59 yilliqi we xitayda ishikni échiwétip islahat élip bérish siyasiti yürgüzülgenlikining 30 yilliqi munasiwiti bilen qilghan tebrik nutqida xitayning tüp siyasitining özgermeydighanliqini bildürgen.

Muxbirimiz gülchéhre
2008.09.30

Wén jyabaw 2008 - yilliq béyjing olimpiki xitay xelqining 100 yilliq arzusining emelge éshishi, dep teswirlep, xitayning her sahediki alemshumul tereqqiyati, netijiliri shuni ispatlayduki, biz junggoche sotsiyalizim qurush bayriqini igiz kötürüp, ishikni échiwétish we islahat yolida tewrenmey méngishimiz kérek" dégen.

U yene junggo her millet xelqining kommunistik partiyige yéqindin egiship déng shawping idiyisi, üchke wekillik qilish idiyilirini yétekchi idiye qilip birlikte ilgirileshke chaqirghan. Halbuki u xitayda démokratiyini we kishilik hoquqtin ilgiri sürüshni tilgha almighan.

Tyen'enmén oqughuchilar herikiti rehbiri, démokratiye pa'aliyetchisi wang den radi'omizda xitayning ishikni échiwétish islahati heqqide obzor élan qilip, "derweqe xitayning iqtisadida zor tereqqiyat barliqqa keldi, emma bu junggo jem'iyitining tereqqiyatini körsetmeydu, xitay kompartiyisi körsitiwatqan junggoche tereqqiyat xelq menpe'eti bilen del tetür tanasipliqtur, shenshidiki qul ishchilar weqesidin ibaret birla misal xitaydiki bu binormal iqtisadi tereqqiyatning ajiz xelqning menpe'etining ajayip zor bedel bérishi we naheqliq üstige qurulghanliqini chüshendürüp béridu," dédi.

Köp körülgen xewerler

RFA