Вен җябав зәһәрлик сүт сәтчиликидә һөкүмәтниң мәсулийити барлиқини етирап қилди

Хитай баш минстири вен җябав хитайда оттуриға чиққан, төт бовақниң өлүмигә шуниңдәк хәлқиниң хитайда ишләпчиқирилған сүт вә сүт мәһсулатлириға булған ишәнчисиниң йоқилишиға сәвәб болған балилар сүт парашоки сәтчиликидә хитай һөкүмитиниңму мәсулийити барлиқини билдүрди.
Мухбиримиз өмәр қанат
2008-10-18
Share

Хитай баш министири вен җябав америкиниң илмий тәрәққият җәмийитиниң һәптилик журнили билән өткүзгән сөһбитидә, "һөкүмәт 50 миңдин артуқ кишиниң кесәл болушиға сәвәб болған бу кризисниң оттуриға чиқишидин қаттиқ әпсуслиниду." Гәрчә мәсилиләр ширкәтләрдә оттуриға чиққан болсиму, лекин бизчә буниңда һөкүмәтниңму мәсулийити бар" дегән.

Вен җябав, хитай компартийисиниң нәшир органи һесабланған хитай күндилик гезитидиму нәшир қилинған мәзкур сөһбитидә, хитай һөкүмити ишләпчиқириш үстидин назарәт қилиш вә башқуруш мәсилисигә сәл қариған дәп көрсәткән.

Америка бирләшмә агентлиқиниң билдүрүшичә, бир хитай рәһбириниң һөкүмәтниң бир мәсилидики кәмчиликини ашкара етирап қилиши, хитай компартийә һакимийити тарихида интайин аз учрайдиған бир вәқә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт