Хитай нефит гуруһи уйғур елидә тунҗи тәбиий газ сақлаш амбири қуруш пиланини ашкарилиди

Шинхуа ахбаратиниң хәвәр қилишичә, мәзкур газ амбирини хитай нефит- тәбиий газ һәссидарлиқ ширкити ясайдиған болуп, амбар 2011- йили қутупи наһийисидә ясилидикән.
Хәвәргә қариғанда, мәзкур амбарниң сиғимчанлиқи 2 милярд күп метирға йетидиған болуп, у район характерлик тәбиий газ йетишмәслик һадисилирини һәл қилиш үчүн ишлитилидикән.
Қутупи райониға ясилидиған истратегийилик тәбиий газ амбарлириниң омумий сиғими 10 милярд куб метирға йәткүзүлидикән.

Хәвәргә қариғанда,  бу амбарға оттура асиядин импорт қилинған газлар қачилинидикән.

Хитай һөкүмити уйғур елиниң тәбиий газлирини " ғәрбниң газини шәрққә йөткәш туруба линийиси" арқилиқ хитай өлкилиригә тошуп кәлмәктә иди.

Хитай һөкүмити бу хилдики туруба линийилирини йәнә көпәйтишни пилан қиливатқан һәмдә уйғур елидин елинидиған тәбиий газ миқдарини йәнә ашурғанлиқини илгири сүрүватқан шараитта, уйғур елидә тәбиий газ йешилмәслик һадисилириниң оттуриға чиқиши көзәтчиләрниң диққитини қозғиған.