Xitay néfit guruhi Uyghur élide tunji tebi'iy gaz saqlash ambiri qurush pilanini ashkarilidi

Shinxu'a axbaratining xewer qilishiche, mezkur gaz ambirini xitay néfit- tebi'iy gaz hessidarliq shirkiti yasaydighan bolup, ambar 2011- yili qutupi nahiyiside yasilidiken.
Xewerge qarighanda, mezkur ambarning sighimchanliqi 2 milyard küp métirgha yétidighan bolup, u rayon xaraktérlik tebi'iy gaz yétishmeslik hadisilirini hel qilish üchün ishlitilidiken.
Qutupi rayonigha yasilidighan istratégiyilik tebi'iy gaz ambarlirining omumiy sighimi 10 milyard kub métirgha yetküzülidiken.

Xewerge qarighanda,  bu ambargha ottura asiyadin import qilin'ghan gazlar qachilinidiken.

Xitay hökümiti Uyghur élining tebi'iy gazlirini " gherbning gazini sherqqe yötkesh turuba liniyisi" arqiliq xitay ölkilirige toshup kelmekte idi.

Xitay hökümiti bu xildiki turuba liniyilirini yene köpeytishni pilan qiliwatqan hemde Uyghur élidin élinidighan tebi'iy gaz miqdarini yene ashurghanliqini ilgiri sürüwatqan shara'itta, Uyghur élide tebi'iy gaz yéshilmeslik hadisilirining otturigha chiqishi közetchilerning diqqitini qozghighan.