Xeter astidiki milletler teshkilati b d t ni Uyghur éli weziyitige arilishishqa chaqirdi

Merkizi gérmaniyidiki “Xeter astidiki milletler teshkilati” qeshqer “Yéngi bazar weqesi” munasiwiti bilen bayanat élan qilip, yéqinqi bir qanche kündin buyan Uyghur élining qeshqer, xoten qatarliq jaylirida yüz bergen weqeler üstidin musteqil tekshürüsh élip bérishqa chaqirdi we b d t din weziyetke arilishishni telep qildi.
Muxbirimiz erkin
2011.08.01

Mezkur teshkilat b d t kishilik hoquq aliy komissari newi pilaygha xet yézip, Uyghur éli weziyitining barghanséri nacharliship, bir oq-dora ambirigha aylinip qéliwatqanliqini, biraq xitay da'irilirining weqeni chüshendürüshi ziddiyetlik bolup, kishini ishendürelmeydighanliqini, b d t ning derhal tedbir qollinip, zorawanliqning ilgirilep küchiyishidin saqlinishini telep qilghan.

Xitay hökümiti yüz bergen zorawanliqni “Térrorchilar” ning peyda qilghanliqini ilgiri sürgen bolsimu, biraq “Xeter astidiki milletler teshkilati” ning mes'uli ulréx duli'us agahlandurup, “Nurghun alametler zorawanliq weqeliri hökümet da'iriliri éytqandek chet'eldiki térrorchi küchlerning hujumi bolmastin, belki rayondiki musulmanlarning ghezep-nepriti we tallash yoli qalmighanliqning mehsuli ikenlikini namayan qilmaqta” dep tekitligen.

“Xeter astidiki milletler teshkilati” yene, xitay da'irilirining qeshqer sheher restilirini chéqip, yerlik ahalilerning 70% ini köchürmekchi we bu arqiliq Uyghurlarni kontrol qilishni ilgirilep asanlashturmaqchi bolghanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.