“Shinjang sinipliri” da oquwatqan oqughuchilar sanini bu yil 51 minggha yetküzülgen

Xitaydin chiqidighan “Xelq géziti” de neqil qilishiche, yuqiriqi san bu yil” shinjang sinipliri” yéngi ewetilgen 8 ming 330 oqughuchini öz ichige alidiken. Bu oqughuchilarning hemmisi Uyghur élining yéza - qishlaqliridin kelgen iken.

“Shinjang sinipliri” 2000 - yilidin bashlap tesis qilinishqa bashlighan bolup, hazir bu siniplarning sani jem'iy 85 ke, bu xildiki siniplar tesis qilin'ghan sheherler 44 ke yetken.

Xitay 2000 - yili “Shinjang sinipliri” yiligha ming oqughuchi yollighan bolup, bu yil bu san biraqla 8 ming 330 gha östürülgen.

Xitay hökümiti Uyghur tilini aliy ma'arip sistémisidin chiqirip tashlighinigha bir nechche yil bolup qaldi. Yéqinqi xewerlerge qarighanda, xitay 2015 - yilighiche pütün Uyghur éli miqyasida xitay tilini omumlashturup bolush pilani boyiche “Qosh tilliq ma'arip tüzümi” ni küchep yürgüzmekte iken.

Bu Uyghur közetküchilerni qattiq endishige séliwatqan mesilerning biri bolup, ular mezkur siyaset Uyghurlarning milliy kimlikige éghir tehdit salidighanliqini ilgiri sürüshmekte.