“Ma'arip saheside shinjanggha yardem bérish xizmet yighini” qeshqerde échildi

Bu téxi yéqinda béyjingda échilghan “Shinjanggha nishanliq yardem bérish xizmet yighini” ning dawami bolup, xitay merkiziy hökümitining 3 - qétimliq xizmet yighinigha xu jintaw, shi jinping, wén jabaw we bashqa dölet rehberliri qatniship söz qilghan hemde bir qatar orunlashturushlarni élip barghan idi.

Shinjang gézitining xewer qilishiche, “Ma'arip sahesi boyiche shinjanggha nishanliq yardem bérish xizmet yighini” gha xitay ma'arip ministirlikining mu'awin ministiri qatniship söz qilghan shuningdek yighinda besh yilliq ma'arip sahesidiki heriket pilani békitilgen.

Yighin qosh tilliq ma'aripni téximu kücheytishni tekitligen hemde Uyghur aptonom rayonluq ma'arip nazariti we bingtü'en ma'arip idarisi 19 ölkining ma'arip nazaret we idariliri bilen Uyghur élining ottura derijilik ma'aripini ortaq rawajlandurush kélishimi tüzgen.

Melum bolushiche, qosh tilliq ma'arip nami astidiki xitay tilliq ma'aripi hazir Uyghur éli miqyasida téz sür'ette rawajliniwatqan bolup, Uyghur tili ma'arip sahesidin asasen dégüdek chetke chiqirilmaqta. Uyghur tilining ma'arip sahesidin siqip chiqirilishi Uyghurlar teripidin assimilyatsiye qedimini tézlitishning ipadisi dep qaralmaqta.