Шаяр түрмисидики хитай адвокатни йоқлашқа рухсити берилди

Хитай даирилири шаяр түрмисидики хитай адвокатниң аилә тавабиатлириға 10 айдин буян тунҗи қетим йоқлашқа рухсити бәргән.
Мухбиримиз җүмә
2013.01.23
Share on WhatsApp
Share on WhatsApp

Ню-йорк шәһиригә җайлашқан “хитайдики кишилик һоқуқ” тәшкилатиниң билдүрүшичә, ақсу вилайитиниң шаяр түрмисигә қамақлиқ хитай кишилик һоқуқ адвокати гав җишеңниң иниси вә қейнатиси 12-январ уни йоқлиған. Гав җишеңниң аяли геңхуниң ейтишичә, униң әқли-һоши җайида икән.

Бу, гав җишең тавабиатлириниң у түрмигә қамалғандин буян иккинчи қетим йоқлаш рухсити елиши. Гавниң аилиси уни 2011-йили декабирда бир қетим йоқлап кәлгән иди.

Гав җишең 2006-йили “дөләт һакимийитини ағдурушқа урунуш җинайити” билән әйиблинип җазаға тартилған, кейин қоюп берилгән болсиму, 2009-йили из-дерәксиз ғайиб болған. 2011-Йили униң шаяр түрмисигә қамалғанлиқи ашкариланған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.