Хитайдики шәһәр аһалилириниң 40% кечиси талаға чиқалмайдиғанлиқи ашкариланди

Хитай иҗтимаий пәнләр тәтқиқат җәмийитиниң йеқинда елан қилған “2012-йиллиқ җәмийәт мулазимити көк ташлиқ китаби” дин ашкарилинишичә, хитайдики сәккиз чоң шәһәргә қарита елип берилған тәкшүрүш нәтиҗисидә хитайдики шәһәр пуқралиридин тәхминән 40% аһалә бихәтәрликини нәзәрдә тутуп кечиси талаға чиқмайдиғанлиқини билдүргән.
Мухбиримиз меһрибан
2012.12.21

Көк ташлиқ китабта баян қилинишичә, кечиси талаға чиқиштин әнсирәйдиғанлиқини билдүргән шәһәр аһалилири хитайдики байлиқ тәқсиматидики тәңсизлик сәвәбидин кәмбәғәл, бай пәрқи чоңийип, байларда мүлкидин вә өз бихәтәрликидин әнсирәш туйғуси күчәйгән, әмәлдарлар болса өзидики чириклик, парихорлуқ қилмишлири сәвәбидин пуқраларниң өч елишидин әнсирәш ичидә яшайдиған болуп қалған, кирими төвән шәһәр аһалилирида болса, һөкүмәт даирилириниң өй чеқиш, йәр игиливелиш, иш һәққини тутувелиш қатарлиқлар һәрикәтлиридин нарази болуш сәвәблик өч елиш кәйпияти барғанчә әвҗ алған болуп, шәһәр аһалилирида өзиниң бихәтәрликидин һәр вақит әнсирәш ичидә туридиған психик һаләт күчәйгән.

Доклатта баян қилинишичә, хитайдики дохтурхана қатарлиқ мулазимәт орунлириниң хизмәттики сәвәнлики сәвәбидин дохтурханида давалаш җәрянида өлүп кәткәнләрниң уруқ-туғқанлириниң дохтур-сестираларға туюқсиз һуҗум қилиш әһваллири барғанчә көпәйгән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.