Хитай хәлқара җамаәтниң тутқун профессор лю шавбони қоюветиш тәлипини рәт қилди

Лю шавбу хитайдики мәшһур әдәбий тәнқидчи болуп, мушу айниң бешида хитайда елан қилинған, хитайда сиясий түзүлмә ислаһати елип беришни оттуриға қойған, 2008 низамнамиси намидики чақириқнамигә имза қойған вә имза топлиғучиларниң йетәкчиси иди. Лю шавбони қоюветиш һәққидики очуқ хәткә, Umberto Eko,Nadine Gordimer,Hari Kunzru қатарлиқ нобил саһиплири вә башқа хитай ишлири мутәхәссислири болуп, 150 киши имза қойған. Очуқ хәттә лю шавбониң тутқун қилинишиниң йолсизлиқ икәнлики тәнқид қилинған.

Бүгүн хитай ташқи ишлар баянатчиси, мухбирларниң бу һәқтики соалиға дуч кәлди. Мухбир: " лю шавбо, пәқәт асасий қанунни ислаһ қилишни тәләп қилған, буниң нәри җинайәт?" дәп сориған. Баянатчи җавабида, өзиниң бу әһвалдин хәвәрсиз икәнликини билдүрди, у буниң билән бирликтә йәнә, хитайниң бир қанун дөлити икәнликини, мәсилиләрни қанун буйичә бир тәрәп қилидиғанлиқини, һәр қандақ дөләтниң җуңгониң ички ишлириға арилишишиға қарши туридиғанлиқини билдүрди.

Лю шавбониң лайиһилишидә елан қилинған 2008 низамнамисида, хитайдики мәвҗут асасий қанунниң хитай хәлқиниң мәнпәәтини әмәс, хитай компартийисиниң мәнпәәтини чиқиш қилип түзүлгәнлики тәнқид қилинған иди.