Xitay xelq'ara jama'etning tutqun proféssor lyu shawboni qoyuwétish telipini ret qildi

Tünügün dunyadiki birqisim nobil mukapatining sahipliri we xitay ishliri tetqiqatchiliri xitay prézidénti xu jintawgha ochuq xet yézip siyasiy tutqun, proféssor lyu shawboni shertsiz we derhal qoyup bérishni telep qildi.
Muxbirimiz shöhret hoshur
2008-12-23
Élxet
Pikir
Share
Print

Lyu shawbu xitaydiki meshhur edebiy tenqidchi bolup, mushu ayning béshida xitayda élan qilin'ghan, xitayda siyasiy tüzülme islahati élip bérishni otturigha qoyghan, 2008 nizamnamisi namidiki chaqiriqnamige imza qoyghan we imza toplighuchilarning yétekchisi idi. Lyu shawboni qoyuwétish heqqidiki ochuq xetke, Umberto Eko,Nadine Gordimer,Hari Kunzru qatarliq nobil sahipliri we bashqa xitay ishliri mutexessisliri bolup, 150 kishi imza qoyghan. Ochuq xette lyu shawboning tutqun qilinishining yolsizliq ikenliki tenqid qilin'ghan.

Bügün xitay tashqi ishlar bayanatchisi, muxbirlarning bu heqtiki so'aligha duch keldi. Muxbir: " lyu shawbo, peqet asasiy qanunni islah qilishni telep qilghan, buning neri jinayet?" dep sorighan. Bayanatchi jawabida, özining bu ehwaldin xewersiz ikenlikini bildürdi, u buning bilen birlikte yene, xitayning bir qanun döliti ikenlikini, mesililerni qanun buyiche bir terep qilidighanliqini, her qandaq döletning junggoning ichki ishlirigha arilishishigha qarshi turidighanliqini bildürdi.

Lyu shawboning layihilishide élan qilin'ghan 2008 nizamnamisida, xitaydiki mewjut asasiy qanunning xitay xelqining menpe'etini emes, xitay kompartiyisining menpe'etini chiqish qilip tüzülgenliki tenqid qilin'ghan idi.

Toluq bet