Xitay, aqqun ishchilargha ish imkaniyiti yaritishqa chaqirdi

Xitay dölet kabinéti shenbe küni bir uqturush chüshürüp yerlik hökümetlerni, dunya pul mu'amile krizisi netijiside ishsiz qilip, öz sheherlirige qaytqan aqqun ishchilargha ish imkaniyiti yaritishqa chaqirdi.
Muxbirimiz ömer qatat
2008-12-20
Élxet
Pikir
Share
Print

Shinxu'a agéntliqining xewer qilishiche, xitay dölet kabinéti teripidin ölkilik hökümetler we herqaysi minsitirliqlargha tarqitilghan uqturushta, aqqun ishchilar mesilisining döletning iqtsadiy we ijtima'iy tereqqiyati bilen munasiwetlik jiddiy we hel qilishqa tégishlik birmesile ikenliki tekitlen'gen.

Amérika birleshme agéntliqining xewer qilishiche, dunya pul mu'amile krizisi netijiside xitayda künséri köpiyiwatqan ishsizliq mesilisi, xitay rehberliri arisida xitayda bir topilang chiqip qilishi toghrisida endishe yaratmaqta.

Xewerlerge qarighanda, xitay hökümiti bolupmu, dunya pul mu'amile krizisi netijiside ishlewatqan karxaniliri taqalghanliqi üchün, öz sheherlirige qaytishqa mejbur bolghan aqqun ishchilarning bir qalaymiqanliq chiqirip qilishidin endishe qilidiken. Shuning üchün xitay rehberliri aqqun ishchilar mesilisige jiddiy qarap, ularning xitayda bir topilang chiqirishning aldini élish üchün türlük tedbirler élishqa bashlighan.

Dunya pul mu'amile krizisning otturigha chéqishidin kéyin, xitayda yéza-qishlaqlardin kélip sheherlerdiki fabrika we karxanilarda ishlewatqan milyonlighan ishchi ishsiz qélip öz yurtlirigha qaytishqa mejbur bolghan.

Toluq bet