Xitay olimpik yighinida mesile tughduridighan amérika tenterbiyichilirining tizimlikini turghuzghan

Amérika olimpik komitétining bayanatchisi darréy séybil peyshenbe küni "bügünki amérika " gézitige xitay da'irilirining bu tizimlikni amérika olimpik komitéti 8 ‏- iyul küni xitayning washin'gtondiki elchixanisining medeniyet ishlar konsuli shu shyaw bilen söhbet élip barghanda amérika terepke tapshurghanliqini bildürgen.

Tizimliktiki tenterbiyichiler jenniy fénch, jésika méndoza, natasha watléy, amanda fréd, kaltek top yardemchi tréniri karén jons, potbolchi abéy wambak, wilsipit mahiri jonatan peyj, méyiplar waskitboli mahiri jéyn xowét, méyiplar ghaltek harwa mahiri cheri boluwét we golp top mahiri lawra gudwén qatarliqlarni öz ichige alidiken. Lékin xitayning teliyige yarisha tizimliktiki wambak, peyj, gudwén'gha oxshash bezi tenterbiyichiler olimpik yighinigha qatnashmighan.

Bayanatchi darrél séybélning eskertishiche, xitay elchixanisining konsuli shu shyaw amérika olimpik komitétigha yuqiriqi tenterbiyichilerning sudandiki darfur xelqini qoghdaydighan bir xelq'ara organ bilen alaqisi barliqi, ularning olimpik yighinida xitaygha qarshi küch körsitish yaki namayish qilishidin ensireydighanliqini yetküzgen.

Amérika tashqi ishlar ministirliki peyshenbe küni élan qilghan bu heqtiki bayanatida amérikining xitay bilen bu mesile üstide muzakire élip barghanliqi, lékin pikir erkinlikige hörmet qilishning muhimliqi eskertilip, xitayning bu kishilerni amérika olimpik ömikige kirgüzmeslik telipi ret qilin'ghanliqini tekitligen.

Amérika olimpik komitétining bayanatchisi darril séybilni'ong eskertishiche, mezkur komitét xitayning endishisini "pütünley orunsiz" we" asassiz" , dep qarighan hem xitayning telipini ret qilghan.