Xitay béyjingliq qanun himayichisining chet'elge chiqip mukapat tapshuriwélishigha yol qoymighan

Amérika awazining xewer qilishiche, xitay hökümiti béyjingliq ataqliq qanun himayichisi, adwokat lixépingning yawropagha bérip, uninggha bérilgen " yawropa adwokatlarning kishilik hoquq mukapati"ni tapshuriwélishigha tosqunluq qilghan.
Muxbirimiz ümidwar
2008-11-30
Share

Xewerde körsitilishiche, lixéping 27 - noyabir küni béyjingdiki xelq'ara ayrodromidin biryusélgha seper qilip, özige bérilgen mukapatni tapshuriwélishqa teyyarlan'ghan idi. U ötkeldin ötüsh aldida tekshürüsh xadimliri teripidin toxtitip qoyulghan hemde özining néme sewebtin toxtitip qoyulghanliqini sorighanda, tekshürgüchi xadimlarni sewebini chüshendürmigen, kéyin buning béyjing sheherlik jama'et xewpsizlik organlirining buyruqi bilen munasiwetlik ikenlikini bildürgen.

Li xéping bu munasiwet bilen naraziliq élan qilghan bolup, buning junggo hökümitining puqralargha bergen chégridin chiqish we kirish hoquqlirigha xilap ikenlikini, shuningdek puqraliq hoquqqa qilin'ghan hujum ikenlikini eskertken.

Li xéping bu qétim yene parizhda ötküzülidighan dunya insan hoquqi xitabnamisining élan qilin'ghanliqining 60 yilliq yighinighimu qatnishishni pilan qilghan iken.

Buningdin ilgiri béyjingliq eydiz himayichisi, insan hoquqi pa'aliyetchisi xu jaymu qolgha élin'ghan bolup, uninggha saxarof mukapati bérilgen idi. Biraq umu mukapat bérilgende türmide bolghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet