Xitayning el-beshirni qolgha almighanliqi b d t kishilik hoquq aliy komissarini epsuslandurdi

B d t kishilik hoquq aliy komissari newi pilay peyshenbe küni xitayning xelq'ara jinayi ishlar sot mehkimisi teripidin “Irqiy qirghinchiliq” bilen eyiblinip tutush buyruqi chiqirilghan sudan prézidénti el-beshirni qolgha almighanliqidin epsuslan'ghanliqini bildürdi.
Muxbirimiz erkin
2011.06.30

Newi pilay “Xelq'ara sotqa hemkarliship, qanun'gha xilapliq qilghan shexslerni adalet sehnisige élip chiqish her bir hökümetning jümlidin xitayning wezipisi we mes'uliyiti” dep tekitligen. Xelq'ara jinayi ishlar sot mehkimisi 2009‏-yili 2‏-ayda el beshirini tutush buyruqi chiqarghan idi.

El‏-beshir charshenbe küni xitayni ziyaret qilishqa bashlap, shu küni xitay dölet re'isi xu jintaw bilen körüshken idi. Newi pilay yene “Döletlerning öz mes'uliyitini atqurmasliqi kishini epsuslanduridu” dégen.

Xelq'ara jinayi ishlar sot mehkimisi 2003‏-yili sudanning darfur rayonida toqunush partlap, 300 ming ahalining ölüshide el-beshirning jawabkarliqi barliqini ilgiri sürmekte. Lékin xitay özining xelq'ara jinayi ishlar sot mehkimisige eza emeslikini bahane qilip, el-beshirni kütüwalghanliqini aqlidi.

Xitay tashqi ishlar ministirliqi bayanatchisi xung léy tünügün “Biz xelq'ara jinayi ishlar sot mehkimisining prézidént el-beshirni sotlash mesilisidiki qararida öz pikrimizde qalimiz” dégen. Biraq newi pilay peyshenbe küni yene eskertip, “Hökümetler öz dölet sistémisining mahiyiti seweblik birsini sotqa tapshurmisa, buningdin men epsusluq hés qilimen” dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.