Xitay gu'antanamodiki Uyghurlarni qayturup kétishni yene tekrarlidi

Portugaliye ötken hepte yawropa ittipaqidiki döletlerning gu'antanamodiki mehbuslargha panahliq bérish arqiliq amérikining gu'antanamo türmisini taqishigha yardemlishishini otturigha qoyghandin kéyin, tünügün gérmaniye eger amérika gu'antanamo türmisini taqisa, wetinige qaytalmaydighan Uyghur mehbuslarni qobul qilishni oylishidighanliqini bildürgen idi.
Muxbirimiz shöhret hoshur
2008.12.23

Bügün xitay tashqi ishlar bayanatchisi chin gang yawropa döletlirining Uyghur mehbuslar mesilisidiki meydanigha naraziliq bildürdi. Chin gang sözide gu'antanamodiki Uyghur mehbuslirini, térror gumandarliri dep atidi hem ularning b d t bixeterlik kéngishi teripidin térrorchilar tizimlikige kirgüzülgen sherqi türkistan islam herikiti teshkilatining ezaliri ikenlikini eskertti.

Chin gang bu heqte muxbirlarning so'aligha jawab bérip mundaq deydu: bizning bu térror gumandarliri heqqidiki izchil telipimiz shuki, bular junggogha derhal qayturulishi kérek؛ biz her qandaq bir döletning ularni qobul qilishigha qet'iy qarshi turimiz."

Xitay izchil halda térrorchi dep eyiblep kéliwatqan gu'antanamodiki Uyghur mehbuslirini, gherb dunyasidiki musteqil közetküchiler, erkinlik jengchiliri dep atighan؛ ular amérikida échilghan bir qanche qétimliq sotta, Uyghur mehbuslarning gunahsiz ikenlikini, sherqi türkistan islam herikitining térrorchi teshkilat ikenlikige pakit yoqluqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.