Xitay mudapi'e ministiri hindistanni ziyaret qildi

Lyang gu'angléy yekshenbe küni bombaygha yétip keldi. En'gliye b b s agéntliqining xewer qilishiche, lyang gu'angléy hindistan herbiy terep bilen asasliqi ikki döletning chégra bixeterliki hemde birleshme herbiy manéwir ötküzüsh mesililirini muhakime qilidiken.

Bu xitay dölet mudapi'e ministirining 8 yildin kéyinki ikkinchi qétimliq ziyariti bolup, lyang gu'angléyning ziyariti tinch okyan rayonidiki arallarning igilik hoquqi mesiliside xitay bilen wyétnam, filippin we bashqa memliketlerning ziddiyetliri ötkürleshken , bolupmu sénkako arili mesiliside yaponiye bilen xitayning munasiwetliri téximu sezgürleshken bir peyitke toghra keldi.

Közetküchiler xitayning özige nisbeten asiya rayonidiki eng zor herbiy tehdit élip kéleleydighan küch hindistan bilen bolghan munasiwetke alahide ehmiyet bériwatqanliqini otturigha qoymaqta.

Hindistan sepiridin ilgiri lyang gu'angléy sirilankini ziyaret qilghan hemde bu döletke zor miqdarda herbiy yardem bérishke wede qilghan idi.