Xitay amérikining iran bilen soda qilghan xitay shirkitini jazalighanliqigha narazi boldi

B b s agéntliqining xewer qilishiche, xitay tashqi ishlar bayanatchisi lyu wéyming öz bayanatida amérikining bu xil jaza qollinishigha nisbeten qattiq naraziliq bildüridighanliqi we qarshi turidighanliqini körsetken.

Amérika buningdin ilgiri xitayning iran bilen néfit ximiye sana'iti bilen munasiwetlik sahe boyiche soda qilip, iranni chekkilen'gen néfit - ximiye mehsulati bilen teminligen “Juxey jénrong shirkiti”ge émbargo qoyghan. Amérika dölet ishliri ministirliki xitay shirkitidin bashqa yene ikki chet'el shirkitigimu émbargo qollan'ghan idi. Amérika terep bu shirketlerning iranning yadro téxnikisi qurulushi üchün meblegh toplap bérish rolini oynaydighanliqini körsetken.

Xitay terep amérikining bu xil émbargosini asassiz we b d t bixeterlik kéngishining iran yadro mesilisige a'it qararining mezmunlirigha xilap dep eyibligen.