Хитай иранниң ядро мәсилиси сөһбитигә қатнишидиғанлиқини билдүрди

Хитай бүгүн америка, беританийә, русийә, франсийә, германийә қатарлиқ 5 дөләт билән бирликтә иранниң ядро мәсилиси сөһбәт йиғиниға қатнишидиғанлиқини билдүрди. Хитай ташқи ишлар министирлиқиниң баянатчиси җяң йү бүгүн бу һәқтики баянатида: "хитай иранға имбарго қоюш мәсилиси музакирә қилинидиған йиғинға қатнишиду, әмма биз йәнила мәсилини сөһбәт билән һәл қилишниң әң үнүмлүк чарә икәнликигә ишинимиз " деди.
Мухбиримиз ирадә
2010.04.08

Бирләшмә агентлиқиниң хәвәр қилишичә, җяң йү сөзидә хитайниң иранниң ядро қораллирини тәрәққи қилдурушиға қарши икәнликини, әмма хәлққә пайдилиқ болған ядро енергийисини тәрәққи қилдурушиға қарши әмәсликини билдүргән вә "хитай әзәлдин бери имбаргоға қарши туруп кәлгән" дегән.

Йеқинда америка президенти барак обама америкиниң йеңи ядро истратегийсини елан қилип, америкиниң әмди ядро қорал террорчилиқини йоқитип хәлқаралиқ балайи - апәтләрдин сақлинишни биринчи орунға қойидиғанлиқини вә ядро қораллириниң тарқилип кетишини тохтитиш йолида көп тәрәплимә һәрикәт қоллинидиғанлиқини билдүргән иди.

Гәрчә һәр қайси дөләтләр америкиниң йеңи истиратегийисигә даир өз көз қарашлирини билдүргән болсиму, әмма хитай мушу күнгичә ипадә билдүрмигән. Бүгүн хитай ташқи ишлар баянатчиси җяң йү мухбирниң бу һәқтики соалиға " биз америкиниң йеңи истратегийсини инчикиләп көрүп чиқиватимиз," дәп җаваб бәргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.