Хитай җ х министирлиқи уйғур илидики сақчи даирилиригә ахбарат васитилиригә тақабил турушни өгитиш һәрикити башлиған

Хитай җ х министирлиқи 23‏-июл уйғур аптоном райониға бир лексийә өмики әвәтип, йәрлик җ х даирилиригә тасадипий вәқәләрдә ахбарат васитилиригә қандақ тақабил турушни өгитиш һәрикити башлиған.
Мухбиримиз әркин
2012.07.27

12 Күн давам қилидиған мәзкур паалийәттә лексийә өмики үрүмчи, ғулҗа, қәшқәр, хотән қатарлиқ шәһәрләргә берип, шу йәрдики йәрлик җ х даирилиригә вә асаси қатлам сақчилириға тасадипий вәқәләр йүз бәргәндә ахбарат васитилиригә қандақ тақабил турушни өгитидикән.

Көзәткүчиләрниң илгири сүрүшичә, йеқинқи йиллардин буян уйғур елидә қаршилиқ вә наразилиқ билдүрүш вәқәлириниң арқа-арқидин йүз бериши, хитай аманлиқ күчлириниң бу хил вәқәләрни қораллиқ бастуруп, бәзи паҗиәлик вәқәләрни кәлтүрүп чиқириши хәлқара ахбарат васитилириниң диққитини қозғиған. Гәрчә хитай һөкүмити учурни қаттиқ контрол қилсиму, бирақ бәзи сәзгүр учурлар ашкарилинип кетип, хитай аманлиқ күчлириниң кишилик һоқуққа еғир бузғунчилиқ қиливатқанлиқи паш болуп қалған. Буниң билән хитай һөкүмитини интайин осал әһвалға чүшүрүп қойидиған әһваллар йүз бәргән.

Хитай җ х министирлиқи орунлаштурған мәзкур паалийәтниң лексийә сөзләш вәзиписини шәндуң сақчи институти үстигә алған. Улар йәрлик сақчиларға “аммиви характерлик җиддий вәқәләрни қандақ бир тәрәп қилиш, бу хил вәқәләрдә сақчилар ахбарат васитилири билән қандақ алақә қилиш вә ахбарат васитилиригә қандақ тақабил туруш” қатарлиқ мәзмунларда лексийә беридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.