Awstraliye rabiye qadir xanimning 'térrorchi' emeslikini körsetken

Xitay hökümiti awstraliye da'ilirining rabiye qadir xanining wiza iltimasni testiqlighanliqigha naraziliq bildürgen bolisimu, emma awstriye hökümitining küchlük ret qilishigha uchridi.
Muxbirimiz jüme
2009.08.01

Awstraliye hökümiti Uyghur milliy herikiti yétekchisi rehbiri rabiye qadir xanimning awstraliyige kélip, mélburn xelq'ara kino féstiwalgha qatnishish iltimasini qobul qilghan we uninggha wiza bergen idi.

Fransiye agéntliqida xewer qilinishiche, xitay tashqi ishlar ministirliqi awstraliyining xitayda turushluq bash elchisi je'of rabiy ependini chaqirtip, awstraliyining rabiye qadir xanimgha wiza bergenlikige étiraz bildürgen.

Xitay mu'awin tashqi ishlar ministiri jang jijün, awstraliye elchisi je'of rabygha rabiye qadir xanimning bölgünchi teshkilat - dunya Uyghur qurultiyining re'isi ikenlikni, shunga awstraliyining uninggha wiza bergenlikige qattiq qarshi turidighanliqini bildürgen.

Awstraliye da'iriliri rabiye qadir xanimning "térrorchi" emeslikini, shunga uninggha wiza bermeslikke bashqa seweb yoqluqini körsetken.

Xewerde körsitilishiche, rabiye qadir xanimning awstraliye ziyaritige wiza bérilgenlikini delilligen awstraliye tashqi ishlar ministiri stifin smis, rabiye qadir xanimning kéler hepte awstraliyide özi heqqide ishlen'gen hajetlik filimning tarqitilish murasimgha qatnishidighanliqini hemde awstraliyidiki Uyghur jama'iti bilen uchrishidighanliqini bildürgen.

Rabiye xanim 11 - awghust mélburnda "muhebbetning on sherti" namliq höjjetlik filimning tarqitilish murasimigha qatnishidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.