خىتاي ئوتتۇرا ئاسىيانى تۇتاشتۇرىدىغان گاز تۇرۇبا قۇرۇلۇشىنى تېزلەتمەكچى

شىنخۇئانىڭ خەۋەر قىلىشىچە، سۇن پونىڭ بىلدۈرۈشلىرىگە ئاساسلانغاندا، ئۆزبېكىستان، قازاقىستان تەۋەسىدىكى تەبىئىي گاز تۇرۇبىلىرى 2009 - يىلى 6 - ئايغا كەلگەندە پۈتۈپ، 11 - ئايدا بۇ لىنىيىلەر تۇتاشتۇرۇلۇپ ھەم قۇرۇلۇش تۈگەپ، 12 - ئايدا ئىشقا كىرىشتۈرۈلىدىكەن.

خىتاينىڭ پىلانى زور بولۇپ، بۇ لىنىيىلەر ئارقىلىق كېلەر يىلى 4.5 مىليارد كۇب مېتىر، 2012 - يىلى 30 مىليارد كۇب مېتىر تەبىئىي گاز توشۇيدىكەن.

نۆۋەتتە، خىتاينىڭ ئۆزبېكىستان، قازاقىستان ۋە تۈركمەنىستان بىلەن تەبىئىي گاز كېلىشىملىرى مەۋجۇت، بۇ دۆلەتلەر بىلەن خىتاينى تۇتاشتۇرىدىغان تەبىئىي گاز تۇرۇبا يولىنىڭ ئومۇمىي ئۇزۇنلۇقى 3636 كىلومېتىر ئىكەن. خىتاي بۇ دۆلەتلەردىن ھەر يىلى 30 مىليارد كۇب مېتىر تەبىئىي گاز ئېلىشنى ھەمدە ئۇنى بارغانسېرى كۆپەيتىشنى پىلان قىلغان.