Xitay Uyghur élining ottura asiya bilen bolghan sodisini kücheytmekte

"Xitay kündilik" gézitining yézishiche, Uyghur aptonom rayonining 2011 - yilliq tashqi sodisi asasliqi ottura asiya memliketliri bilen bolghan bolup, tashqi soda miqdari aldinqi yildikidin 33% ashqan.
Muxbirimiz ümidwar
2012-02-12
Élxet
Pikir
Share
Print

Uyghur aptonom rayonining tashqi sodisida xitay terep 16 milyard dollar qimmitide éksport, 6 milyard dollar qimmitide import qilghan.

Qazaqistan nöwette, xitayning ottura asiya rayonidiki eng chong soda shérikige aylan'ghan bolup, xitay bilen qazaqistanning soda sommisining 20 milyard dollargha yetkenliki melum. Emma, peqet Uyghur aptonom rayoni bilen qazaqistanning sodisila 2011 - yili 10 milyard dollardin éship ketken.

Nöwette, Uyghur aptonom rayonining tashqi sodisida qazaqistan birinchi orunni igilimekte.

Melum bolushiche, qazaqistan xitaygha asasliqi yer asti bayliqliri, bolupmu néfit we tebi'iy gazlirini éksport qilidu. Qazaqistan bügünki künde xitayning ottura asiya rayonidiki asasliq néfit we tebi'iy gaz import qilidighan menbesige aylan'ghan bolup, qazaq néfit shirketlirining pay chéklirining köpinchisini xitay sétiwalghanliqi üchün qazaqistan öktichi partiye - guruhliri qazaqistan hökümitini tenqid qilip, xitayni qazaqistanni öz iqtisadiy tesiri astigha alghanliqi bilen eyiblimekte.

Toluq bet