Хитай даирилири өзини көйдүрүвелиш вәқәлириниң алдини елиш үчүн бихәтәрлик тәдбирлирини чиңитти

Бүгүн чиңхәй өлкиси тибәтләрниң өзини көйдүрүвелиш вәқәлириниң алдини елиш үчүн бихәтәрлик тәдбирлирини чиңитидиғанлиқини елан қилди. Бирләшмә агентлиқиниң хәвәр қилишичә, чиңхәй гезитидә берилгән хәвәрдә даириләр бундин кейин кочиларда чарлаш сақчиси вә һәрбийләрни көпәйтидиғанлиқини, чәтәлликләрниң тибәт раһиблири мәркәзлик җайлашқан тоңрен райониға киришини чәкләш үчүн тәкшүрүш бекәтлири қуридиғанлиқини уқтурған.
Мухбиримиз ирадә
2012.12.27


Буниңдин срт улар йәнә, мукапатлаш вә җазалаш усулини йолға қоюп, өзини көйдүрүвалмақчи болғанлар, қутратқучилиқ қилғанларни паш қилғанларни, кишиләрни өзини көйдүрмәсликкә үндигәнләрни мукапатлайдиғанлиқини билдүргән. Әмма өзигә от қойғанлар вә уларниң аилә - тавабиатлирини йоқлап барғанларни болса турмуш ярдәм пулини елип ташлаш вә шуниңға охшаш башқа иқтисадий җазалар билән җазалаш билән тәһдит қилған.

Хитай даирилири юқириқидәк алдини елиш тәдбирлирини уйғур елидиму охшаш йолға қоюп кәлмәктә. Әмма көзәткүчиләр, хитай даирилириниң юқириқидәк тәдбирлириниң наразилиқ һәрикәтлирини түгитиш әмәс, әксичә техиму улғайтиветидиғанлиқини, хитайниң аз санлиқ милләтләргә қаратқан сияситини өзгәртиштин башқа чариси йоқлуқини билдүрмәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.