Xitaydin kelgen paxta térish qoshuni Uyghur élidin milyard pul tépip ketti

Bu yil awghustta Uyghur élige xitayning gensu, xénen, ningsha, we sichu'en qatarliq ölkiliridin bir milyon'gha yéqin xitay paxta térishqa kelgen idi. Bu paxta térish qoshuni nöwette pesillik emgikini ayaghlashturup yurtlirigha qaytishqan bolup, noyabir kirishi bilen Uyghur élidin xitaygha qatnaydighan poyiz wagonliri paxta térip qaytqan aqqunlar bilen toshmaqta.
Muxbirimiz gülchéhre
2008-11-04
Élxet
Pikir
Share
Print

Tengritagh torining xewirige qarighanda "gherbni achimiz, tereqqiy qildurimiz, bayliq berpa qilimiz " dégen sho'arni kötüriwalghan bu bir milyon etrapidiki paxta térish qoshuni 70 kün jeryanida Uyghur élidin jem'iy bir milyard yüen pul tépip yurtlirigha élip ketken.

Xewerge qarighanda bu yil bingtu'en kéwezliklirige ishlemchilikke kelgen paxta térish qoshunidiki bir milyon ishlemchining 700 mingdin köpreki xitay ölkiliridin, qalghan 228 mingi Uyghur élining her qaysi jayliridin kelgen pesillik ishlemchiler iken.

Bulturmu paxta tergüchilerning tapqan ish heqqi bir milyard 430 ming yüen'ge yetken. Uyghur éli xitayning eng chong paxta bazisi. Bu paxta baziliri asasen xitay bingtu'en déhqanchiliq meydanlirida.

Nöwette bingtu'enning kéwez térilghu meydani yette milyon 850 ming mogha yetken bolup, paxta térish mezgilide xitay hökümiti teripidin bingtu'enige her yili besh yüz mingdin artuq xitay aqqunliri paxta térishqa élip kéliniwatqan bolsa, eksiche Uyghur élining éshincha emgek küchliri xitay ölkilirige yötkelmekte.

Xitay da'irilirining bu xil ishlemchi yötkesh siyasiti Uyghurlardila emes pütün dunyada guman hem naraziliq peyda qilmaqta.

Toluq bet