2010‏ - Yili xitay hökümiti Uyghur yurtlirida tughut chekleshte eng chong netije qazinidighan yil bolidiken

Xitayning 'shinjang géziti' ‏1 - ayning 25 küni bayan qilishiche, Uyghur aptonom rayoni 2009‏ - yilida, xitay kommunist partiye merkizi komitéti we dölet kabintining nopus mesilisni bir tutash pilanlap hel qilish qararigha asasen, 'ichki éhtiyajni ashurush' dégen nam bilen tughut chekelesh üchün 32 milyon yu'en ajritip, yéza derijilik pilanliq tughut mulazimet ponkitidin 123 ini qurghan.
Muxbirimiz weli
2010.01.27

Uningdin kéyin yene 63 milyon yu'en ajritip, tughut cheklesh ponkitliri üchün tughut cheklesh aptomobili qatarliq eslihe sétiwélip teqsimlep bergen we 974 xizmetchi köpeytken (buning 50% i mexsus seplen'gen 'téxnika xadimliri' iken.) Shundaqla yene, aptonom rayon buyiche, bolupmu jenubtiki namrat jaylardiki 11 milyon 670 ming nopusning tughut uchurliri tizimlikke élinip, uchur iskilati berpa qilin'ghan.

Xitayning tengritagh tor béti 21‏ - yanwardiki xewiride, 2009‏ - yili 12 ‏ - ayning 31 ‏ - künige qeder 'shinjang nopusi 21 milyon 586 ming 300 ge yetti, yilliq tughulush nésbiti 15.99%, ölüsh nésbiti %5.43, tebi'iy köpiyish 10.56% . Buning ichide, az sanliq millet nopusi 12 milyon 944 ming 800, tughulush nésbiti 2.0% Dep élan qilghan idi.

Xitayning 'shinjang géziti' de bayan qilinishiche, 2010‏ - yili Uyghur aptonom rayonida pilanliq tughut xizmitide yéngiliq yaritilidighan we nahayiti chong netije qazinilidighan yil bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.