Хитай уйғур елидә бөлгүнчиликкә қарши туруш қануни түзүшкә башлиған

Хитай һөкүмити уйғур елидә бөлгүнчиликкә қарши туруш қануни түзүшкә башлиған болуп, тәйвән мәркизий агентлиқиниң хәвәр қилишичә, уйғур аптоном районини хәлқ қурултийи рәиси әркин имирбақи бу һәқтә конкретни көрсәтмә бәргән.
Мухбиримиз җүмә
2009.08.01

Хәвәрдә көрситишичә, әркин имир бақи " аптоном районниң милләтләр иттипақлиқи тәрбийиси низамнамиси ", "аптоном районниң бөлгүнчиликкә қарши күрәш қилиш бәлгилимиси" қатарлиқ икки тармақ қанун - низамларни түзүш вә ", " аптоном районниң җәмийәт аманлиқини омумлаштуруп түзәш хизмити низамнамиси" вә " аптоном районниң динни башқуруш низамнамиси" қатарлиқ қанун тармиқини оз өзгәртиш хизмитиниң башланғанлиқини билдүргән.

Хәвәрдә хитай " қанунчилиқ" гезитидин нәқил елип көрситишичә, әркин имирбақи йәнә, қанун түзүш хизмитигә назарәтчилик қилишни күчәйтип, һөкүмәт вә әдлийә органлириниң бөлгүнчилик қилмишлириға қаттиқ зәрбә бериш һәрикитини қоллайдиғанлиқини билдүргән.

5 - Июл үрүмчи намайиши партлиғандин кийин, хитай йәрлик һөкүмити уйғур елидә бөлгүнчиликкә қарши туруш мәқсәт қилинған қанун түзүп чиқидиғанлиқини илгири сүргән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.