Сүни һәмраһ соқулуп пәйда болған әхләт мунасивәтлик дөләтләргә хәвп кәлтүриду

Йеқинда америкиниң сода - тиҗарәт үчүн қоллинидиған сүни һәмраһи билән русийиниң һәрбий ишлар үчүн қоллинидиған сүни һәмраһи аләм бошлуқида соқулуп кәткәндин кейин, бүгүн 'шинхуа агентлиқи' хитай пәнләр академийисиниң сүни һәмраһ лайиһилигүчиси таң бошүйниң сөзини нәқил кәлтүрүп 'бу қетимқи сүни һәмра соқулуш вәқәси хитайниң "аләм ордиси" пиланиға тәсир йәткүзәлмәйду' дәп җакарлиди, гәрчә хитай 2007‏ - йили 1 ‏ - айда өзиниң бир сүни һәмраһини башқурулидиған бомба билән етип чүшүргәндә пәйда қилған миңлиған аләм әхләтлирини техичә тазилиялмиған болсиму.
Мухбиримиз вәли
2009.02.14

Америка авазниң баян қилишичә, бүгүн америка һәрбий қисимлириниң баш шитаб рәиси җәймис картрайт дуняни агаһландуруп 'инсанийәтниң аләм бошлуқидики әқлий мүлүклири бир нәччә ондин миң, һәтта түмән ханилиқ санға көпийип, һазир аләм бошлуқида қистилишмақта. Әқәллийси, һәр қандақ бир дөләт өзиниң аләм бошлуқида елип бериватқан һәрикәтлирини зөрүр тепилғанда тәңшийәлиши керәк. Болмиса бихәтәрлик мәсилиси пәйда қилиду' деди.

Америка дөләт мудапиә министирликиниң баянатчиси гиоф моррелниң баян қилишичә, бу қетим йүз бәргән сүни һәмраһ соқулушида, аләм бошлуқида аз дегәндә 500 дин артуқ әхләт пәйда болди. Бу мунасивәтлик дөләтләрниң аләм бошлуқидики мүлүклирини хәвпкә йүзләндүриду. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.