Чегрисиз мухбирлар дуня сәһийә оргиниға хитайниң сүт парашоки вәқәсини йошурғанлиқи тоғрисида хәт язди

Мәркизи париждики чегрисиз мухбирлар тәшкилати пәйшәнбә күни дуня сәһийә тәшкилатиниң хоңкоңлуқ баш мудири маргарет чен ға очуқ хәт елан қилип, хитайниң бовақлар сүт парашуки вәқәсидә ахбарат әркинликини чәклигәнлики вә дуня сәһийә тәшкилатиниң хитайни ашкарә тәнқид қилишини тәләп қилди.
Мухбиримиз әркин
2008-10-03
Share

Очуқ хәттә мундақ дәйду": хитай зәһәрлик сүт парашуки сәтчиликиниң тәрәққиятида шу нәрсә аян болдики хитай һөкүмитиниң учурни чәкләш системиси хитайда вә сүт парашуки импорт қилған дөләтләрдә миңлиған, он миңлиған бовақларниң саламәтликигә еғир зиян селиш ролини ойниди."

Очуқ хәттә, дуня сәһийә тәшкилатиниң сүт парашуки вәқәсидики позитсийиси тәнқидләнгән шундақла мәзкур органниң "аяллар бовақлирини сүт парашукида әмәс ана сүтидә беқиши лазим", дегән баянати " бу трагедийилик әһвалға қайтурулған йетәрлик инкас әмәс," дәп қаралған.

Очуқ хәттә йәнә хитай даирилириниң йемәклик бихәтәрликигә даир учурларни йошурғанлиқи тәнқидләнгән, хитай тәшвиқат бөлүминиң олимпик мусабиқисидин бурун җайларға йоллиған 21 түрлүк хәвәрни чәкләш тоғрисидики уқтурушиниң бир маддиси йемәк - ичмәк бихәтәрликигә аит икәнликини билдүргән.

Очуқ хәттә йәнә мундақ дәйду" : биз хитай даирилирини вә дуня сәһийә тәшкилатини сарс кризисидин тәҗрибә савақ алди, дәп ойлиған идуқ.... Бизни әң әпсусландурған нәрсә бейҗиңдики юқири қатлам даириләрниң аммиви саламәтликкә даир учурларни давамлиқ чәкләватқанлиқидур. Биз силәрни хитай пуқралири вә хошна әлләр хәлқиниң саламәтликигә зиянлиқ, бу хәтәрлик бастуруш қилмишиға ашкарә қарши турушқа чақиримиз."

Хитай зәһәрлик сүт парашуки вәқәсидә 60 миңға йеқин бовақниң саламәтлики зиянға учриғанлиқи, 4 бовақниң өлгәнликини билдүрүлмәктә.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт