Хитай тамакилирида юқири миқдарда қоғушун байқалған

Хитайда ишләпчиқирилған бир қисим тамакиларда юқири миқдарда қоғушун, арсен вә кадмий қатарлиқ металлар байқалған. Ройтерсниң хәвәр қилишичә, канадалиқ тәтқиқатчилар хитай тамакилири үстидә тәкшүрүш елип барған болуп, улар хитай вә канада тамакилирини селиштуруш арқилиқ еришкән тәтқиқат нәтиҗисини"тамака чәкләш" журнилида елан қилған.
Мухбиримиз ирадә
2010.10.07

Униңда йезилишичә, хитай тамакилирида адәм саламәтликигә интайин зиянлиқ болған қоғушун, арсен қатарлиқ маддиларниң мқидари зиядә юқири болуп, канадада ишләпчиқирилған тамакидин 3 һәссә юқири чиққан.

Тәтқиқатчилар бу һәқтә елан қилған мақалисидә хитай тамакилирида байқалған зәһәрлик маддиларниң тәркибиниң кишини чөчүтидиған дәриҗидә юқири болуши хитайдики тамака чәккүчиләр вә хитай тамакилирини импорт қилидиған дөләтләрдики чәккүчиләр үчүн җиддий бир тәһдит пәйда қиливатқанлиқини билдүргән.

Хитайда 320 милйондин артуқ тамака истималчиси бар болуп, һәр йили бир милйондин артуқ киши тамакиға мунасивәтлик кесәлликләр сәвәбидин һаятидин айрилидикән. Хитайдики тамака чекидиғанларниң сани дуня бойичә биринчи орунда туриду. Хитай һәм шундақла дунядики асаслиқ тамака ишләпчиқарғучи дөләтләрниң бири. Хәвәрдә көрситилишичә, 2007 - йили хитайда 2 тирлйон талдин артуқ тамака ишләпчиқирилған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.