Xitay tamakilirida yuqiri miqdarda qoghushun bayqalghan

Xitayda ishlepchiqirilghan bir qisim tamakilarda yuqiri miqdarda qoghushun, arsén we kadmiy qatarliq métallar bayqalghan. Roytérsning xewer qilishiche, kanadaliq tetqiqatchilar xitay tamakiliri üstide tekshürüsh élip barghan bolup, ular xitay we kanada tamakilirini sélishturush arqiliq érishken tetqiqat netijisini"tamaka cheklesh" zhurnilida élan qilghan.
Muxbirimiz irade
2010-10-07
Share

Uningda yézilishiche, xitay tamakilirida adem salametlikige intayin ziyanliq bolghan qoghushun, arsén qatarliq maddilarning mqidari ziyade yuqiri bolup, kanadada ishlepchiqirilghan tamakidin 3 hesse yuqiri chiqqan.

Tetqiqatchilar bu heqte élan qilghan maqaliside xitay tamakilirida bayqalghan zeherlik maddilarning terkibining kishini chöchütidighan derijide yuqiri bolushi xitaydiki tamaka chekküchiler we xitay tamakilirini import qilidighan döletlerdiki chekküchiler üchün jiddiy bir tehdit peyda qiliwatqanliqini bildürgen.

Xitayda 320 milyondin artuq tamaka istimalchisi bar bolup, her yili bir milyondin artuq kishi tamakigha munasiwetlik késellikler sewebidin hayatidin ayrilidiken. Xitaydiki tamaka chékidighanlarning sani dunya boyiche birinchi orunda turidu. Xitay hem shundaqla dunyadiki asasliq tamaka ishlepchiqarghuchi döletlerning biri. Xewerde körsitilishiche, 2007 - yili xitayda 2 tirlyon taldin artuq tamaka ishlepchiqirilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet